GG細語 左丁山 繁忙的一天

三 月 三 十 一 日 係 農 曆 三 月 初 五 戌 日 ， 宜 會 友 ， 無 怪 當 日 十 分 繁 忙 ， 左 丁 山 由 中 午 十 二 點 幾 開 始 直 落 ， 到 晚 上 十 點 幾 返 到 屋 企 ， 幾 乎 散 晒 。 首 先 係 信 興 蒙 公 請 吃 午 飯 ， 一 年 一 度 品 嚐 蒙 氏 咖 喱 ， 席 設 尖 東 東 來 順 。 兩 點 幾 到 太 子 行 Dymocks 祝 賀 梁 太 出 版 新 書 ─ ─ 嬰 兒 食 譜 My First Bite ─ ─ 原 來 梁 太 除 咗 到 立 法 會 開 會 之 外 ， 有 閒 在 家 便 為 孫 女 飲 食 花 心 思 ， 諗 出 一 百 種 食 譜 教 菲 傭 炮 製 ， 向 朋 友 推 廣 ， 最 後 覺 得 可 行 ， 索 性 出 書 ， 與 大 家 分 享 ， 呢 日 唔 少 朋 友 捧 場 到 賀 ， 佢 在 簽 名 會 簽 到 手 軟 ， 佢 話 起 碼 簽 咗 三 百 次 。 
六 點 鐘 ， 去 到 香 港 會 參 加 酒 會 ， 賀 房 協 總 幹 事 王 麗 珍 榮 休 。 王 姑 娘 約 四 十 二 年 前 加 入 房 協 ， 在 屋 邨 收 租 ， 逐 家 逐 戶 拍 門 收 現 金 ， 識 晒 全 邨 居 民 ， 個 個 叫 佢 做 王 姑 娘 ， 直 至 幾 年 前 佢 升 任 為 房 協 行 政 總 裁 ， 仍 然 稱 呼 佢 為 王 姑 娘 。 房 協 管 理 廉 租 屋 ， 享 有 美 譽 ， 與 租 戶 關 係 十 分 良 好 ， 王 姑 娘 由 紅 褲 子 做 起 ， 對 房 協 在 物 業 管 理 方 面 ， 當 然 十 分 着 緊 。 
前 浪 退 去 ， 後 浪 上 嚟 ， 接 王 姑 娘 之 位 者 ， 係 另 外 一 位 從 管 理 屋 邨 物 業 出 身 嘅 黃 傑 龍 ， 人 稱 KL Wong ， 啱 啱 與 美 林 證 券 嘅 著 名 投 資 銀 行 家 ， 大 師 級 人 物 黃 桂 林 嘅 稱 號 一 樣 ， 以 後 呢 兩 位 KL Wong ， 不 可 搞 錯 。 兩 位 KL 都 係 中 大 畢 業 生 ， 房 協 KL 係 新 亞 七 八 年 企 業 管 理 系 產 品 ， 讀 書 時 有 一 位 死 黨 ， 同 系 同 班 兼 同 睡 一 房 ， 就 係 今 天 嘅 《 明 報 》 老 總 張 健 波 。 KL 近 幾 年 來 悉 心 拓 展 舊 樓 維 修 事 務 ， 配 合 特 區 政 府 政 策 ， 甚 有 建 樹 ， 接 管 房 協 之 後 ， 當 另 有 一 番 作 為 。 
香 港 會 酒 會 內 ， 人 頭 湧 湧 ， 有 大 把 老 友 可 以 傾 偈 ， 但 大 賓 架 M 之 告 別 滙 豐 酒 會 在 六 點 半 開 始 ， 左 丁 山 唯 有 睇 鐘 做 人 ， 一 閃 了 之 ， 走 到 去 立 法 會 門 口 ， 畀 人 喝 住 ， 原 來 係 梁 太 自 立 法 會 「 放 工 」 ， 話 趕 住 去 滙 豐 酒 會 喎 ， 於 是 一 齊 行 ， 上 到 滙 豐 總 部 三 樓 ， 瑪 嘉 烈 與 霍 嘉 治 及 瑪 嘉 烈 之 接 班 人 郭 懷 道 （ Coverdole ） 站 在 一 起 ， 迎 接 嘉 賓 ， 瑪 嘉 烈 ． 梁 與 蘇 菲 ． 梁 呢 兩 位 梁 太 擁 抱 問 好 ， 輪 到 同 左 丁 山 握 手 之 時 ， 左 丁 山 開 句 玩 笑 ： Shall I move my account to Hang Seng? 兩 位 西 人 當 堂 望 實 晒 ， 瑪 嘉 烈 醒 目 過 人 ， 立 即 回 答 ： "Don't even think about it!" 逗 留 一 陣 ， 趕 住 走 人 ， 飛 的 士 入 沙 田 凱 悅 酒 店 參 加 新 亞 校 董 會 梁 主 席 之 晚 宴 ！