GG細語 左丁山 酒店只有冬天

復 活 節 假 期 間 ， 有 朋 友 講 起 文 華 東 方 酒 店 Clipper Lounge 之 自 助 晚 餐 ， 精 美 好 食 ， 於 是 食 指 大 動 ， 打 電 話 去 訂 位 ， 點 知 接 線 生 話 ， 自 助 晚 餐 已 經 撤 消 ， 不 再 辦 。 聽 到 之 後 ， 為 之 愕 然 ， 記 得 文 華 東 方 裝 修 完 畢 ， 生 意 好 到 不 得 了 ， 打 親 電 話 去 Clipper Lounge 訂 位 ， 無 論 早 午 晚 ， 次 次 都 話 冇 位 ， 於 是 索 性 放 棄 ， 估 唔 到 自 己 後 知 後 覺 ， 人 哋 冇 咗 生 意 都 唔 知 ， 早 啲 知 嘅 話 ， 舊 年 就 應 該 去 幾 次 啦 。 
金 融 海 嘯 嚴 重 打 擊 酒 店 生 意 ， 本 是 市 場 現 象 ， 但 美 國 總 統 奧 巴 馬 公 開 斥 責 賓 架 住 豪 華 酒 店 、 食 美 麗 酒 店 ， 浪 費 美 國 納 稅 人 金 錢 之 後 ， 美 國 啲 公 費 旅 行 ， 公 費 飲 食 ， 便 與 五 星 酒 店 無 緣 ， 高 盛 職 員 從 外 地 到 紐 約 ， 唔 敢 再 住 Ritz Carlton ， 改 住 Embassy Suites ， 無 怪 高 盛 千 方 百 計 要 提 早 清 還 向 聯 邦 政 府 借 來 的 一 百 億 美 元 ， 以 免 事 事 受 政 府 掣 肘 。 
影 響 所 及 ， 少 人 自 費 旅 行 ， 少 人 公 費 商 務 旅 行 ， 香 港 啲 酒 店 大 受 影 響 ， 去 年 由 一 月 賺 錢 賺 到 九 月 ， 跟 住 由 十 月 到  家 ， 睇 住 收 益 月 月 跌 ， 以 往 冇 假 放 之 員 工 現 在 要 被 逼 放 無 薪 假 期 ， 今 年 畢 業 嘅 大 學 酒 店 學 院 畢 業 生 ， 搵 到 份 工 算 有 運 。 如 果 閣 下 荷 包 有 錢 ， 要 住 高 級 酒 店 享 受 吓 ， 現 在 係 最 好 時 光 ， 最 怕 入 到 酒 店 ， 發 覺 貨 不 對 辦 啫 。 美 國 就 有 此 情 況 ， 一 啲 高 級 酒 店 面 臨 財 困 ， 為 咗 慳 皮 ， 將 過 往 提 供 嘅 服 務 大 幅 度 削 減 ， 人 客 入 住 之 後 ， 即 使 不 滿 意 ， 抗 議 都 冇 用 。 
財 務 D 就 冇 呢 個 顧 慮 ， 佢 不 久 前 與 太 太 往 新 加 坡 ， 四 日 三 晚 ， 住 在 Ritz Carlton ， 連 來 回 經 濟 客 位 機 票 ， 每 人 費 用 三 千 五 百 左 右 ， 平 到 佢 咭 咭 笑 ， 佢 話 在 ○ 七 年 去 新 加 坡 公 幹 三 天 ， 淨 係 酒 店 費 用 都 要 五 千 幾 啦 。 亞 洲 啲 五 星 級 酒 店 比 較 有 質 素 保 證 ， 唔 似 得 歐 美 啲 酒 店 不 時 店 大 欺 客 。 財 務 D 極 力 推 薦 呢 個 「 旅 行 套 餐 」 ， 但 來 自 吉 隆 坡 之 「 財 富 管 理 」 （ Wealth Management ） 專 家 賓 架 C 就 潑 冷 水 ， 賓 架 C 話 ： 「 去 吉 隆 坡 四 日 三 晚 仲 好 啦 ， 酒 店 一 樣 咁 靚 ， 廣 東 菜 更 加 便 宜 ， 更 加 好 食 ， 地 方 更 大 ！ 貪 新 加 坡 價 錢 貴 咩 ？ 」 其 實 左 丁 山 最 鍾 意 去 曼 谷 ， 只 不 過 泰 國 政 治 兩 極 化 ， 令 人 擔 心 ， 泰 國 賓 架 R 都 「 勸 喻 」 左 丁 山 暫 時 忍 耐 吓 ， 避 開 曼 谷 為 要 。