參 加 「 香 港 美 酒 佳 餚 年 」 啟 動 儀 式 ， 遇 到 爵 士 樂 發 燒 友 投 資 L 。 投 資 L 本 是 大 行 律 師 ， 後 來 畀 客 戶 挖 角 ， 做 做 吓 ， 唔 搞 法 律 咯 ， 幫 公 司 打 理 香 港 以 外 嘅 投 資 ， 故 名 投 資 L ， 佢 舊 年 搞 咗 一 個 國 際 爵 士 音 樂 節 ， 因 為 大 市 未 跌 ， 仲 可 以 搵 到 公 司 贊 助 ， 今 年 搞 唔 搞 呢 ？ 投 資 L 話 ： 「 十 分 頭 痛 ， 爵 士 音 樂 節 一 定 蝕 本 㗎 嘞 ， 但 以 現 時 環 境 ， 開 口 搵 朋 友 公 司 贊 助 ， 自 己 都 唔 好 意 思 ， 但 唔 繼 續 搞 ， 又 覺 得 好 可 惜 ， 舊 年 本 地 嘅 爵 士 音 樂 擁 躉 ， 反 應 十 分 好 啫 。 」
咁 嘅 兩 難 問 題 ， 留 番 畀 投 資 L 去 頭 痛 ， 大 家 既 然 參 加 旅 發 局 嘅 「 香 港 美 酒 佳 餚 年 」 ， 不 如 講 旅 遊 好 過 。 投 資 L 話 復 活 節 期 間 ， 佢 與 美 國 朋 友 去 埃 及 旅 行 ， 參 觀 古 跡 ， 發 覺 埃 及 雖 然 經 歷 幾 千 年 內 亂 與 外 敵 入 侵 ， 但 好 多 古 跡 保 存 良 好 ， 顯 得 呢 個 古 老 國 家 嘅 人 民 十 分 有 文 化 歷 史 意 識 ， 到 咗 現 場 睇 真 跡 ， 方 能 了 解 文 物 規 模 之 大 ， 驚 嘆 古 埃 及 之 建 築 技 術 先 進 無 比 。 左 丁 山 問 佢 埃 及 究 竟 有 無 安 全 問 題 ， 佢 話 ： 「 開 羅 周 街 都 係 警 察 ！ 隨 時 截 停 行 人 問 話 ， 當 地 警 方 竟 然 知 道 我 哋 有 美 國 人 在 團 ， 不 時 見 到 孭 住 機 關 槍 嘅 警 察 跟 住 我 地 ！ 」 係 囉 ， 美 國 人 命 寶 貴 ， 台 灣 漁 船 被 海 盜 劫 持 ， 至 今 消 息 全 無 ， 無 人 理 會 ， 美 國 商 船 被 海 盜 攻 擊 ， 美 國 就 立 即 派 驅 逐 艦 、 海 豹 特 種 部 隊 營 救 美 國 船 員 ， 唔 怪 得 咁 多 人 恨 歸 化 美 國 籍 恨 到 發 燒 。 埃 及 好 怕 境 內 美 國 遊 客 受 攻 擊 ， 嚴 密 監 控 美 國 遊 客 行 蹤 ， 故 此 投 資 L 與 美 國 朋 友 一 到 開 羅 ， 就 有 人 「 特 別 招 呼 」 ！
講 番 美 食 佳 餚 ， 香 港 何 其 多 ， 公 關 大 姐 大 在 山 光 道 馬 會 幸 運 閣 識 得 點 菜 ， 請 退 休 老 校 長 吃 飯 ， 一 味 「 蟹 粉 湯 獅 子 頭 」 ， 食 到 大 家 齊 聲 讚 好 ， 冷 面 笑 匠 M 猛 咁 講 ： 「 點 解 我 平 時 唔 識 叫 嘅 ？ 」 騎 騎 ， 點 菜 都 有 學 問 嘅 ， 大 姐 大 對 呢 方 面 就 零 舍 醒 ！ 笑 匠 M 係 釣 魚 專 家 ， 一 條 魚 絲 走 天 涯 ， 佢 曾 經 問 退 休 校 長 K ： 「 點 解 一 條 魚 絲 咁 樣 嘅 光 纖 ， 可 以 裝 載 傳 送 無 限 咁 多 資 料 ！ 」 當 年 校 長 K 講 完 ， 大 家 都 唔 明 ， 這 晚 笑 匠 M 想 再 問 ， 我 哋 話 ， 校 長 講 多 十 日 ， 我 哋 呢 班 科 學 盲 都 唔 識 嘅 嘞 ， 無 謂 講 ！ 唔 講 就 游 目 四 顧 ， 竟 然 見 到 一 位 貌 似 貝 理 雅 嘅 西 人 ， 即 刻 望 真 啲 ， 又 見 到 三 位 西 人 保 鑣 在 房 外 ； 後 來 才 知 道 ， 貝 理 雅 私 人 訪 問 香 港 ， 受 朋 友 招 呼 ， 到 幸 運 閣 嚐 嚐 香 港 美 食 吖 嗎 ！
沒有留言:
張貼留言