美國思維 GG細語 左丁山

美 國 選 美 ， 加 州 小 姐 答 一 個 敏 感 問 題 ， 關 於 同 性 婚 姻 ， 呢 位 Carrie Prejean 在 眾 目 睽 睽 ， 全 國 電 視 觀 眾 面 前 ， 居 然 夠 膽 答 ： 「 我 認 為 婚 姻 係 一 男 一 女 嘅 結 合 」 ， 真 係 十 分 政 治 不 正 確 。 
中 國 人 可 能 認 為 呢 個 答 案 好 中 性 ， 十 分 自 然 。 點 知 呢 位 小 姐 就 因 為 咁 ， 畀 美 國 同 性 戀 ， 不 分 男 女 ， 大 肆 攻 擊 ， 據 講 NBC 一 位 同 性 戀 主 持 人 直 情 在 節 目 上 數 臭 佢 ， 攻 擊 佢 嘅 「 身 體 器 官 」 㖭 。 霍 士 電 視 （ 右 派 大 本 營 ） 一 位 節 目 主 持 女 士 （ 保 守 派 ） 訪 問 一 位 女 士 係 美 國 著 名 女 性 主 義 者 ， 問 佢 點 解 男 主 持 如 此 攻 擊 女 性 ， 為 何 女 性 主 義 組 織 視 若 無 睹 ！ 呢 位 女 性 主 義 女 士 答 得 妙 ： 「 女 性 主 義 追 求 平 等 與 公 義 ， 加 州 小 姐 之 言 完 全 忽 視 此 點 ， 佢 既 然 公 開 咁 講 ， 食 得 鹹 魚 抵 得 渴 ， 其 他 人 鬧 佢 ， 算 係 公 平 遊 戲 啫 ， 加 州 小 姐 需 要 嘅 係 移 植 心 臟 ， 唔 係 移 植 乳 房 。 」 於 是 兩 位 女 士 立 即 互 相 對 駡 。 左 丁 山 睇 到 ， 更 領 會 到 美 國 自 由 派 （ 左 ） 與 保 守 派 （ 右 ） 之 意 識 形 態 有 重 大 分 歧 ， 水 火 不 容 ， 而 且 為 咗 意 見 分 歧 ， 甚 麼 美 國 人 素 來 尊 重 嘅 斯 文 禮 貌 （ decency ） 皆 可 拋 諸 腦 後 ， 平 時 女 性 主 義 者 好 維 護 女 性 權 利 ， 不 容 男 性 作 語 言 攻 擊 、 嘲 鬧 ， 但 到 了 同 性 戀 、 墮 胎 權 利 呢 啲 大 是 大 非 議 題 ， 佢 哋 就 會 赤 膊 上 陣 ， 不 顧 儀 態 。 
呢 位 加 州 小 姐 係 虔 誠 教 徒 ， 就 因 為 一 個 婚 姻 問 題 掀 起 美 國 意 識 之 爭 ， 我 哋 香 港 人 大 概 冇 法 子 想 像 得 到 。 畢 竟 美 國 與 中 國 、 香 港 之 民 情 唔 同 ， 香 港 之 自 由 派 思 想 分 子 不 宜 照 抄 照 搬 美 國 嗰 套 ， 以 此 教 訓 他 人 。 如 陶 傑 所 言 ， 美 國 啲 自 由 派 碰 到 伊 斯 蘭 國 家 之 女 性 地 位 ， 即 女 人 絕 對 服 從 男 人 支 配 嘅 做 法 ， 就 噤 若 寒 蟬 啦 。 
新 聞 睇 英 文 電 視 台 ， 以 前 睇 慣 BBC 與 CNN ， 但 now 電 視 就 有 更 多 選 擇 ， 包 括 「 半 島 電 視 台 」 、 「 霍 士 電 視 台 」 ， CNN 係 自 由 派 ， 報 導 美 國 Tea Parties 時 ， 女 記 者 話 「 茶 會 」 係 極 右 派 包 括 霍 士 煽 動 組 織 嘅 ， 而 霍 士 關 於 Tea Parties 嘅 報 導 ， 就 乘 機 大 駡 奧 巴 馬 財 政 政 策 。 幾 位 留 美 派 同 左 丁 山 講 ， 梅 鐸 旗 下 之 霍 士 TV 係 保 守 派 大 本 營 ， 右 到 乞 人 憎 。 但 左 丁 山 呢 個 本 土 派 就 覺 得 霍 士 幾 有 思 維 刺 激 性 ， 可 以 平 衡 吓 CNN 觀 點 ， 教 人 更 加 了 解 美 國 左 右 兩 派 嘅 言 論 。